32025D1405

Sú ákvörðun sem hér er til greiningar er breyting á framkvæmdarákvörðun framkvæmdarstjórnar Evrópusambandsins ESB 2020/2126 sem er hluti af orku- og loftslagspakka Evrópusambandsins (ESB) til ársins 2030, en sá pakki snýr m.a. að skyldubundnu lágmarksframlagi aðildarríkja svo ná megi markmiði Evrópusambandsins í samdrætti á losun gróðurhúsalofttegunda fyrir tímabilið 2021-2030.Ákvörðun (ESB) 2020/2126 er byggð á reglugerð ESB 2018/842 (e. Effort Sharing Regulation – ESR) um bindandi, árlegan samdrátt aðildarríkjanna í losun gróðurhúsalofttegunda á árunum 2021 til 2030 sem framlag til loftslagsaðgerða til að uppfylla skuldbindingar samkvæmt Parísarsamningnum. Ákvörðunin er sett á grundvelli 4. gr. ESR. Í 4. mgr. 4. gr. ESR kemur fram að framkvæmdastjórnin skuli  m.a. tilgreina í framkvæmdargerð heildarfjölda ETS losunarheimilda sem heimilt er að  taka tillit til hjá ákveðnum aðildarríkjum vegna uppfyllingar á skilyrðum 9. gr. ESR á tímabilinu 2021-2030, svokallaður ETS sveigjanleiki, en um hann er fjallað í 6. gr. ESR. Listi yfir sveignaleika ákveðinna ríkja   er settur upp í viðauka III  við ákvörðun ESB 2020/2126, þar er tiltekinn fjöldi heimilda sem nota má í ETS sveigjanleikann fyrir ákveðin aðildarríki ESB. Danmörk og Lúxemborg gerðu breytingar á notkun sveigjanleikans í samræmi við 3. mgr. 6. gr. reglugerðar (ESB) 2018/842. Holland hefur einnig tilkynnt að þau muni nýta sveigjanleikann sem samsvara 0%. Vegna þessa er viðauki III við ákvörðun (ESB) 2020/2126 uppfærður og honum skipt út fyrir viðauka í (ESB) 2025/1405.  Aðlögun var gerð við ákvörðun (ESB) 2020/2126 þegar hún var tekin upp í EES samninginn í gegnum Bókun 31,með ákvörðun Sameiginlegu EES nefndarinnar nr. 29/2022 m.a. hvað varðar III. viðauka við ákvörðunina. Þar er tölum bætt inn fyrir Ísland og Noreg. Tryggja þarf að þær  tölur sem eiga við um Ísland haldist óbreyttar þegar ákvörðun (ESB) 2025/1405 er tekin upp í EES samninginn. Í því sambandi þarf að athuga hvort að gera þurfi nýja aðlögun eða hvort núverandi aðlögun haldist.   Hafa ber í huga að 4. gr. og 9. gr. ESR hefur verið breytt með reglugerð ESB 2023/857, sem ekki hefur verið tekin upp í EES samninginn þegar þetta er skrifað.