Tillaga að reglugerð um aðgerðir til að koma í veg fyrir misnotkun fjármálakerfisins hvað varðar peningaþvætti og fjármögnun hryðjuverka - 32024R1624

Tillagan er hluti af svokölluðum "AML-pakka" ESB, ásamt tillögu að reglugerð um stofnun nýrrar evrópskrar eftirlitsstofnunar á vettvangi aðgerða gegn peningaþvætti og fjármögnun hryðjuverka (COM (2021) 421), tillögu að reglugerð um aðgerðir til að koma í veg fyrir misnotkun fjármálakerfisins hvað varðar peningaþvætti og fjármögnun hryðjuverka (COM (2021) 420) og tillögu að  að tilskipun um þær aðgerðir sem aðildarríki eiga að grípa til í því skyni að koma í veg fyrir misnotkun fjármálakerfisins hvað varðar peningaþvætti og fjármögnun hryðjuverka (6. peningaþvættistilskipunin) (COM (2021) 423).Tillagan felur í sér breytingu á umgjörð núgildandi reglna um varnir gegn peningaþvætti og fjármögnun hryðjuverka. Gert er ráð fyrir að í reglugerðina verði færðar allar reglur sem eiga við um einkageirann á meðan stofnanaumgjörðin í aðildarríkjum verði áfram í tilskipunarformi. Í dag eru báðir þessir þættir í tilskipunarformi (fjórða og fimmta peningaþvættistilskipunin). Með því að mæla fyrir um þessar reglur í reglugerð er ætlunin að tryggja stöðugleika og samræmingu í beitingu reglnanna. Í reglugerðinni verður hins vegar einnig mælt fyrir um tiltekin nýmæli og breytingar á gildandi reglum. Má þar nefna sem dæmi að þeim sem teljast til tilkynningarskyldra aðila verður fjölgað, aðilar sem stunda hópfjármagnanir (e. crowdfunding platforms) munu t.d. falla undir reglugerðina, reglur um innri stefnur og stýringar eru skýrðar og breytingar gerðar á gildandi ákvæðum um raunverulega eigendur.