52025PC0981 - Reglugerð um einföldun ferla sem tengjast rafhlöðum og mengun frá iðnaði - COM(2025) 981

Í Samkeppnisvísi Evrópusambandsins (e. Competitiveness Compass for the EU) eru lögð drög að því markmiði að draga úr stjórnsýslukostnaði fyrirtækja um 25-35%. Svipuð sjónarmið koma fram í skýrslu Mario Draghi um framtíð samkeppnishæfni Evrópu. Tillagan er hluti af bandormi (e. omnibus) sem miðar að þessu markmiði.Reglugerðin er þrjár greinar. Sú fyrsta fjallar um breytingar á reglugerð um rafhlöður, önnur grein fjallar um breytingar á reglugerð um skil á umhverfisupplýsingum og sú þriðja fjallar um gildistöku reglugerðarinnar.Grein 1Í reglugerð (ESB) 2023/1542 um rafhlöður eru nokkrar breytingar gerðar:Skilgreiningu á „framleiðanda“ er breytt til að gera skilgreininguna óháða sölutækninni sem notuð er.Kröfur um hættumerkingu rafhlaðna eru skýrðar með tilvísun í skilgreiningar úr reglugerð (EB) 1907/2006 (REACH-reglugerðin) og reglugerð (EB) 1272/2008 um merkingu vara.Kröfum sem gerðar eru til viðgerða á rafhlöðum úr léttum samgöngutækjum (e. light means of transport) er breytt. Áður átti hönnun rafhlaðna að taka mið af því að hægt væri að skipta út stökum rafhlöðusellum en á þessu hefur orðið breyting þannig að ekki er lengur gerð krafa um að hægt sé að skipta út stökum sellum. Nú verði nóg að fagfólk geti fjarlægt rafhlöðustæður (e. battery pack).Ákvæði um hvernig framkvæmdastjórn Evrópusambandsins skuli rýna gagnaskil aðildarríkja á fjögurra ára fresti er breytt til að gefa framkvæmdastjórninni meiri sveigjanleika í sínum störfum og svo að rýni fari fram þegar öll nauðsynleg gögn eru komin í hús.Grein 2Á reglugerð (ESB) 2024/1244 er gerð eftirfarandi breyting:Kröfur um gagnaskil rekstraraðila sem halda húsdýr eða stunda fiskeldi, sem aðildarríkjum er heimilt að skila inn fyrir hönd rekstraraðila, verði einfölduð þannig að ekki sé gerð krafa um skil á gögnum um vatnsnotkun, orkunotkun og auðlindanotkun fyrir þessa rekstraraðila.Gengið er lengra að því leyti að aðildarríkjum er gert heimilt að undanskilja ofangreinda rekstraraðila frá kröfum um skýrsluskil er varða magn úrgangs sem fluttur er frá starfseminni, magn næringarefna sem berast frá starfseminni með skólpi, framleiðslumagn og vinnustundir, svo lengi sem aðildarríki geta aflað þessara gagna með öðrum hætti. Markmiðið er að lágmarka skýrsluskilaálaga á bændur og fiskeldi og að stjórnvöld geti nýtt sínar gagnalindir í staðinn.