52025PC0982 – Reglugerð COM(2025) 982 um afnám kröfu um fulltrúa framleiðanda rafhlaðna og umbúða - COM(2025) 982

Í Samkeppnisvísi Evrópusambandsins (e. Competitiveness Compass for the EU) eru lögð drög að því markmiði að draga úr stjórnsýslukostnaði fyrirtækja um 25-35%. Svipuð sjónarmið koma fram í skýrslu Mario Draghi um framtíð samkeppnishæfni Evrópu. Tillagan er hluti af bandormi (e. omnibus) sem miðar að þessu markmiði.Framleiðandi sem setur ákveðnar vörur á markað ber ábyrgð á vörunni út líftíma hennar, svokallaða framlengda framleiðendaábyrgð. Framleiðandi sem setur vöru á markaði í öðru ríki en því sem hann er í, þarf að skipa fulltrúa sinn í viðkomandi ríki og er það hlutverk fulltrúans að fara með framlengda framleiðendaábyrgð fyrir hönd framleiðandans. Í reynd hefur þótt of flókin tilhögun að skipa þurfi fulltrúa framleiðanda í hverju ríki sem vara hans er markaðssett í. Markmið reglugerðarinnar er að gera það valkvætt fyrir framleiðendur rafhlaðna og umbúða á EES-svæðinu hvort þeir skipi fulltrúa sinn í öðrum EES-ríkjum eða ekki. Óljóst er hvaða skyldur munu gilda fyrir framleiðendur utan EES-svæðisins.Reglugerðin er þrjár greinar. Fyrsta grein afnemur skyldu framleiðenda rafhlaðna til að skipa fulltrúa sinn í þeim ríkjum sem þeir markaðssetja vörur sínar. Önnur grein gerir skipun fulltrúa framleiðenda umbúða valkvæði. Í þriðju grein er kveðið á um gildistöku reglugerðarinnar.Grein 1Greinin frestar gildistöku greinar 56(3) í reglugerð (ESB) 2023/1542 til 1. janúar 2035, þar sem kveðið er á um skyldu framleiðenda rafhlaðna til að skipa fulltrúa sinn í þeim aðildarríkjum sem þeir markaðssetja vörur sínar. Fjallað er um skyldur framleiðenda í þriðju ríkjum til að tryggja rekjanleika og eftirfylgni við kvaðir framlengdrar framleiðendaábyrgðar eftir öðrum leiðum.Grein 2Greinin frestar gildistöku greinar 45(3) í reglugerð (ESB) 2025/40 til 1. janúar 2035, þar sem kveðið er á um skyldu framleiðenda umbúða til að skipa fulltrúa sinn í þeim aðildarríkjum sem þeir markaðssetja vörur sínar. Aðildarríkjum er heimilt að kveða á um skipun fulltrúa framleiðenda sem hafa aðsetur í þriðju ríkjum eða gera þeim að tryggja rekjanleika og eftirfylgni við kvaðir framlengdrar framleiðendaábyrgðar eftir öðrum leiðum.